تپش سے میری وقف کشمکش ہر تار بستر ہے
مرا سر رنج بالیں ہے مرا تن بار بستر ہے
سرشک سر بہ صحرا دادہ نور العین دامن ہے
دل بے دست و پا افتادہ بر خوردار بستر ہے
خوشا اقبال رنجوری عیادت کو تم آئے ہو
فروغ شمع بالیں طالع بیدار بستر ہے
بہ طوفاں گاہ جوش اضطراب شام تنہائی
شعاع آفتاب صبح محشر تار بستر ہے
ابھی آتی ہے بو بالش سے اس کی زلف مشکیں کی
ہماری دید کو خواب زلیخا عار بستر ہے
کہوں کیا دل کی کیا حالت ہے ہجر یار میں غالبؔ
کہ بیتابی سے ہر یک تار بستر خار بستر ہے
بذوق شوخیٔ اعضا تکلف بار بستر ہے
معاف پیچ و تاب کشمکش ہر تار بستر ہے
معمائے تکلف سر بمہر چشم پوشیدن
گداز شمع محفل پیچش طومار بستر ہے
مژہ فرش رہ و دل ناتوان و آرزو مضطر
بہ پائے خفتہ سیر وادیٔ پر خار بستر ہے
English
Related writings
اب بھی اک عمر پہ جینے کا نہ انداز آیا – شاد عظیم آبادیUrdu Classicsشاد عظیم آبادی
کیا چھپاتے کسی سے حال اپنا – فانی بدایونیUrdu Classicsفانی بدایونی
کام دیوانوں کو شہروں سے نہ بازاروں سے – یگانہ چنگیزیUrdu Classicsیگانہ چنگیزی
اب انتہا کا ترے ذکر میں اثر آیا – شاد عظیم آبادیUrdu Classicsشاد عظیم آبادی
چراغ زیست بجھا دل سے اک دھواں نکلا – یگانہ چنگیزیUrdu Classicsیگانہ چنگیزی
کچھ اکیلی نہیں مری قسمت – شبلی نعمانیUrdu Classicsشبلی نعمانی



