ہے سبزہ زار ہر در و دیوار غم کدہ
جس کی بہار یہ ہو پھر اس کی خزاں نہ پوچھ
ناچار بیکسی کی بھی حسرت اٹھائیے
دشواریٔ رہ و ستم ہم رہاں نہ پوچھ
جز دل سراغ درد بہ دل خفتگاں نہ پوچھ
آئینہ عرض کر خط و خال بیاں نہ پوچھ
ہندوستان سایۂ گل پاۓ تخت تھا
جاہ و جلال عہد وصال بتاں نہ پوچھ
پرواز یک تپ غم تسخیر نالہ ہے
گرمیٔ نبض خار و خس آشیاں نہ پوچھ
تو مشق باز کر دل پروانہ ہے بہار
بیتابیٔ تجلیٔ آتش بجاں نہ پوچھ
غفلت متاع کفۂ میزان عدل ہوں
یا رب حساب سختیٔ خواب گراں نہ پوچھ
ہر داغ تازہ یک دل داغ انتظار ہے
عرض فضاۓ سینۂ درد امتحاں نہ پوچھ
کہتا تھا کل وہ محرم راز اپنے سے کہ آہ
درد جدائی اسدؔ اللہ خاں نہ پوچھ
English
Related writings
آنکھ اٹھائی ہی تھی کہ کھائی چوٹ – فانی بدایونیUrdu Classicsفانی بدایونی
ہماری آنکھوں میں اشکوں کا آ کے رہ جانا – شاد عظیم آبادیUrdu Classicsشاد عظیم آبادی
کام دیوانوں کو شہروں سے نہ بازاروں سے – یگانہ چنگیزیUrdu Classicsیگانہ چنگیزی
کیا تعجب کہ مری روح رواں تک پہنچے – جگر مراد آبادیUrdu Classicsجگر مراد آبادی
یہ دلجمعی جئے جب تک جئے جینا اسی کا ہے – شاد عظیم آبادیUrdu Classicsشاد عظیم آبادی
وہ جی گیا جو عشق میں جی سے گزر گیا – فانی بدایونیUrdu Classicsفانی بدایونی



