کیا چھپاتے کسی سے حال اپنا
جی ہی جب ہو گیا نڈھال اپنا
ہم ہیں اس کے خیال کی تصویر
جس کی تصویر ہے خیال اپنا
وہ بھی اب غم کو غم سمجھتے ہیں
دور پہنچا مگر ملال اپنا
تو نے رکھ لی گناہ گار کی شرم
کام آیا نہ انفعال اپنا
دیکھ دل کی زمیں لرزتی ہے
یاد جاناں قدم سنبھال اپنا
باخبر ہیں وہ سب کی حالت سے
لاؤ ہم پوچھ لیں نہ حال اپنا
موت بھی تو نہ مل سکی فانیؔ
کس سے پورا ہوا سوال اپنا
English
Related writings
کچھ اکیلی نہیں مری قسمت – شبلی نعمانیUrdu Classicsشبلی نعمانی
تیس دن کے لئے ترک مے و ساقی کر لوں – شبلی نعمانیUrdu Classicsشبلی نعمانی
اثر کے پیچھے دل حزیں نے نشان چھوڑا نہ پھر کہیں کا – شبلی نعمانیUrdu Classicsشبلی نعمانی
چلے چلو جہاں لے جائے ولولہ دل کا – یگانہ چنگیزیUrdu Classicsیگانہ چنگیزی
مآل سوز غم ہائے نہانی دیکھتے جاؤ – فانی بدایونیUrdu Classicsفانی بدایونی
قسم نہ کھاؤ تغافل سے باز آنے کی – فانی بدایونیUrdu Classicsفانی بدایونی


