قسم نہ کھاؤ تغافل سے باز آنے کی
کہ دل میں اب نہیں طاقت ستائے جانے کی
ہماری موت نے کچھ مختصر کیا ورنہ
کچھ انتہا ہی نہ تھی عشق کے فسانے کی
گری نہ برق کچھ اس خوف سے مرے ہوتے
تڑپ کے آگ بجھا دوں نہ آشیانے کی
تمہارا درد تو درماں بنا لیا ہم نے
اب اور سوچیے تدبیر دل دکھانے کی
زمانہ کفر محبت سے کر چکا تھا گریز
تری نظر نے پلٹ دی ہوا زمانے کی
پلٹ پلٹ کے قفس ہی کی سمت جاتا ہوں
کسی نے راہ بتائی نہ آشیانے کی
نجات دی غم دنیا سے درد دل نے مجھے
یہ ایک راہ ملی غم سے چھوٹ جانے کی
وہ صبح عید کا منظر ترے تصور میں
وہ دل میں آ کے ادا تیرے مسکرانے کی
بتا رہا ہے ہر انداز خاک فانیؔ کا
یہ خاک ہے اسی کافر کے آستانے کی
English
Related writings
سب ترے سوا کافر آخر اس کا مطلب کیا – یگانہ چنگیزیUrdu Classicsیگانہ چنگیزی
قیامت ہے شب وعدہ کا اتنا مختصر ہونا – یگانہ چنگیزیUrdu Classicsیگانہ چنگیزی
بیٹھا ہوں پاؤں توڑ کے تدبیر دیکھنا – یگانہ چنگیزیUrdu Classicsیگانہ چنگیزی
کعبہ بھی ہے ٹوٹا ہوا بت خانہ ہمارا – شاد عظیم آبادیUrdu Classicsشاد عظیم آبادی
دنیا میری بلا جانے مہنگی ہے یا سستی ہے – فانی بدایونیUrdu Classicsفانی بدایونی
کعبہ و دیر میں جلوہ نہیں یکساں ان کا – شاد عظیم آبادیUrdu Classicsشاد عظیم آبادی


