ہر گھڑی انقلاب میں گزری
زندگی کس عذاب میں گزری
شوق تھا مانع تجلی دوست
ان کی شوخی حجاب میں گزری
کرم بے حساب چاہا تھا
ستم بے حساب میں گزری
ورنہ دشوار تھا سکون حیات
خیر سے اضطراب میں گزری
راز ہستی کی جستجو میں رہے
رات تعبیر خواب میں گزری
کچھ کٹی ہمت سوال میں عمر
کچھ امید جواب میں گزری
کس خرابی سے زندگی فانیؔ
اس جہان خراب میں گزری
English
Related writings
مزہ گناہ کا جب تھا کہ با وضو کرتے – یگانہ چنگیزیUrdu Classicsیگانہ چنگیزی
ابتدائے عشق ہے لطف شباب آنے کو ہے – فانی بدایونیUrdu Classicsفانی بدایونی
مآل سوز غم ہائے نہانی دیکھتے جاؤ – فانی بدایونیUrdu Classicsفانی بدایونی
ہر سانس کے ساتھ جا رہا ہوں – فانی بدایونیUrdu Classicsفانی بدایونی
کچھ زرد زرد پتے نشاں جو خزاں کے ہیں – یگانہ چنگیزیUrdu Classicsیگانہ چنگیزی
کس کی آواز کان میں آئی – یگانہ چنگیزیUrdu Classicsیگانہ چنگیزی

