Skip to main content

The Poetic Land

TYPE AT LEAST 3 CHARACTERS TO SEARCH...

ہر سانس کے ساتھ جا رہا ہوں

ہر سانس کے ساتھ جا رہا ہوں
میں تیرے قریب آ رہا ہوں

یہ دل میں کراہنے لگا کون
رو رو کے کسے رلا رہا ہوں

اب عشق کو بے نقاب کر کے
میں حسن کو آزما رہا ہوں

اسرار جمال کھل رہے ہیں
ہستی کا سراغ پا رہا ہوں

تنہائی شام غم کے ڈر سے
کچھ ان سے جواب پا رہا ہوں

لذت کش آرزو ہوں فانیؔ
دانستہ فریب کھا رہا ہوں

Leave a Reply

Your email address will not be published. Required fields are marked *