از مہر تا بہ ذرہ دل و دل ہے آئنہ
طوطی کو شش جہت سے مقابل ہے آئنہ
حیرت ہجوم لذت غلطانیٔ تپش
سیماب بالش و کمر دل ہے آئنہ
غفلت بہ بال جوہر شمشیر پرفشاں
یاں پشت چشم شوخیٔ قاتل ہے آئنہ
حیرت نگاہ برق تماشا بہار شوخ
در پردۂ ہوا پر بسمل ہے آئنہ
یاں رہ گئے ہیں ناخن تدبیر ٹوٹ کر
جوہر طلسم عقدۂ مشکل ہے آئنہ
ہم زانوئے تأمل و ہم جلوہ گاہ گل
آئینہ بند خلوت و محفل ہے آئنہ
دل کار گاہ فکر و اسدؔ بے نوائے دل
یاں سنگ آستانۂ بیدلؔ ہے آئنہ
English
Related writings
کیوں کسی سے وفا کرے کوئی – یگانہ چنگیزیUrdu Classicsیگانہ چنگیزی
ہم موت بھی آئے تو مسرور نہیں ہوتے – فانی بدایونیUrdu Classicsفانی بدایونی
تمناؤں میں الجھایا گیا ہوں – شاد عظیم آبادیUrdu Classicsشاد عظیم آبادی
آپ میں کیونکر رہے کوئی یہ ساماں دیکھ کر – یگانہ چنگیزیUrdu Classicsیگانہ چنگیزی
میں شادؔ تنہا اک طرف دنیا کی دنیا اک طرف – شاد عظیم آبادیUrdu Classicsشاد عظیم آبادی
مآل سوز غم ہائے نہانی دیکھتے جاؤ – فانی بدایونیUrdu Classicsفانی بدایونی


