میں شادؔ تنہا اک طرف دنیا کی دنیا اک طرف
سارا سمندر اک طرف آنسو کا قطرہ اک طرف
اس آفت جاں کو بھی چہرہ تو دکھانا ہی نہ تھا
اک سمت عیسیٰ دم بخود غش میں ہے موسیٰ اک طرف
اپنے سمند ناز کو اے شہسوار آ چھیڑ کر
صف بستہ حاضر کب سے ہیں محو تماشا اک طرف
ساقی بغیر احوال یہ پہنچا ہے مے خانہ کا اب
جام اک طرف ہے سرنگوں خالی ہے مینا اک طرف
فرقت میں سب اچھے رہے دل کا مگر یہ حال ہے
زخم اک طرف بڑھتا گیا داغ سویدا اک طرف
دیدار جاناں کا بھلا کیوں کر تحمل ہو سکے
ترچھی نگاہیں ایک سو زلف چلیپا اک طرف
وہ تیغ لے کے کہتے ہیں دیکھوں تو حق پر کون ہے
میں اک طرف شادؔ اک طرف سارا زمانہ اک طرف
English
Related writings
قیامت ہے شب وعدہ کا اتنا مختصر ہونا – یگانہ چنگیزیUrdu Classicsیگانہ چنگیزی
کچھ زرد زرد پتے نشاں جو خزاں کے ہیں – یگانہ چنگیزیUrdu Classicsیگانہ چنگیزی
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی
اپنی جنت مجھے دکھلا نہ سکا تو واعظ – فانی بدایونیUrdu Classicsفانی بدایونی
یادش بخیر جب وہ تصور میں آ گیا – جگر مراد آبادیUrdu Classicsجگر مراد آبادی
خوشی سے رنج کا بدلا یہاں نہیں ملتا – فانی بدایونیUrdu Classicsفانی بدایونی


