افسوس کہ دنداں کا کیا رزق فلک نے
جن لوگوں کی تھی در خور عقد گہر انگشت
کافی ہے نشانی ترا چھلے کا نہ دینا
خالی مجھے دکھلا کے بہ وقت سفر انگشت
لکھتا ہوں اسدؔ سوزش دل سے سخن گرم
تا رکھ نہ سکے کوئی مرے حرف پر انگشت
جاتا ہوں جدھر سب کی اٹھے ہے ادھر انگشت
یک دست جہاں مجھ سے پھرا ہے مگر انگشت
مژگاں کی محبت میں جو انگشت نما ہوں
لگتی ہے مجھے تیر کے مانند ہر انگشت
ہر غنچۂ گل صورت یک قطرۂ خوں ہے
دیکھا ہے کسو کا جو حنا بستہ سر انگشت
گرمی ہے زباں کی سبب سوختن جاں
ہر شمع شہادت کو ہے یاں سربسر انگشت
خوں دل میں جو میرے نہیں باقی تو عجب کیا
جوں ماہیٔ بے آب تڑپتی ہے ہر انگشت
شوخی تری کہہ دیتی ہے احوال ہمارا
راز دل صد پارہ کی ہے پردہ در انگشت
کس رتبہ میں باریکی و نرمی ہے کہ جوں گل
آتی نہیں پنجہ میں بس اس کے نظر انگشت
میں الفت مژگاں میں جو انگشت نما ہوں
لگتی ہے مجھے تیر کے مانند ہر انگشت
English
Related writings
ڈھونڈوگے اگر ملکوں ملکوں ملنے کے نہیں نایاب ہیں ہم – شاد عظیم آبادیUrdu Classicsشاد عظیم آبادی
قسم نہ کھاؤ تغافل سے باز آنے کی – فانی بدایونیUrdu Classicsفانی بدایونی
خلق کہتی ہے جسے دل ترے دیوانے کا – فانی بدایونیUrdu Classicsفانی بدایونی
جو طوفانوں میں پلتے جا رہے ہیں – جگر مراد آبادیUrdu Classicsجگر مراد آبادی
اپنی جنت مجھے دکھلا نہ سکا تو واعظ – فانی بدایونیUrdu Classicsفانی بدایونی
قیامت ہے شب وعدہ کا اتنا مختصر ہونا – یگانہ چنگیزیUrdu Classicsیگانہ چنگیزی



