دھاگا دھاگا جوڑ کے ہم نے اک چادر تیار کی
اس میں ساری عمر لگی ہے، بات نہیں دو چار کی
سوئی کی نوک پہ ٹھہری ہے اک بوڑھی ماں کی عمر
پھول کھلے تو لوگ کہیں گے، کیا ہی بات بہار کی
اجلے کپڑے، اجلے بوٹے، اجلی سی ہے یہ دنیا
اور ہماری انگلی پر اک بوند لہو کی دھار کی
بازاروں میں بِکتی ہے ہر شے ہی اپنے داموں پر
کس نے قیمت پوچھی ہے اس خاموشی کے پیار کی
چوک کی شاموں میں اب بھی اک خوشبو سی آتی ہے
کچھ عطروں کی، کچھ چائے کی، کچھ ٹوٹی دیوار کی
تابشؔ ہم نے ٹانکا ہے ہر شعر کو یوں کاغذ پر
جیسے کوئی کاڑھ رہا ہو بیل کسی دستار کی
