ہر سانس کے ساتھ جا رہا ہوں
میں تیرے قریب آ رہا ہوں
یہ دل میں کراہنے لگا کون
رو رو کے کسے رلا رہا ہوں
اب عشق کو بے نقاب کر کے
میں حسن کو آزما رہا ہوں
اسرار جمال کھل رہے ہیں
ہستی کا سراغ پا رہا ہوں
تنہائی شام غم کے ڈر سے
کچھ ان سے جواب پا رہا ہوں
لذت کش آرزو ہوں فانیؔ
دانستہ فریب کھا رہا ہوں
English
Related writings
قسم نہ کھاؤ تغافل سے باز آنے کی – فانی بدایونیUrdu Classicsفانی بدایونی
ہماری آنکھوں میں اشکوں کا آ کے رہ جانا – شاد عظیم آبادیUrdu Classicsشاد عظیم آبادی
وہ جی گیا جو عشق میں جی سے گزر گیا – فانی بدایونیUrdu Classicsفانی بدایونی
کچھ اکیلی نہیں مری قسمت – شبلی نعمانیUrdu Classicsشبلی نعمانی
یادش بخیر جب وہ تصور میں آ گیا – جگر مراد آبادیUrdu Classicsجگر مراد آبادی
تری ترچھی نظر کا تیر ہے مشکل سے نکلے گا – فانی بدایونیUrdu Classicsفانی بدایونی



