چہرے پہ نہ یہ نقاب دیکھا
پردے میں تھا آفتاب دیکھا
کیوں کر نہ بکوں میں ہاتھ اس کے
یوسف کی طرح میں خواب دیکھا
کچھ میں ہی نہیں ہوں، ایک عالم
اس کے لیے یاں خراب دیکھا
دل تو نے عبث لکھا تھا نامہ
جو ان نے دیا جواب دیکھا
بے جرم و گناہ قتل عاشق
مذہب میں ترے صواب دیکھا
کچھ ہووے تو ہو عدم میں راحت
ہستی میں تو ہم عذاب دیکھا
جس چشم نے مجھ طرف نظر کی
اس چشم کو میں پر آب دیکھا
حیران وہ تیرے عشق میں ہے
یاں ہم نے جو شیخ و شاب دیکھا
بھولا ہے وہ دل سے لطف اس کا
سوداؔ نے یہ جب عتاب دیکھا
English
Related writings
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی
جب حسن بے مثال پر اتنا غرور تھا – یگانہ چنگیزیUrdu Classicsیگانہ چنگیزی
کارگاہ دنیا کی نیستی بھی ہستی ہے – یگانہ چنگیزیUrdu Classicsیگانہ چنگیزی
پوچھتے کیا ہو جو حال شب تنہائی تھا – شبلی نعمانیUrdu Classicsشبلی نعمانی
یہ دلجمعی جئے جب تک جئے جینا اسی کا ہے – شاد عظیم آبادیUrdu Classicsشاد عظیم آبادی
ہماری آنکھوں میں اشکوں کا آ کے رہ جانا – شاد عظیم آبادیUrdu Classicsشاد عظیم آبادی


