ناصح کو جیب سینے سے فرصت کبھو نہ ہو
دل یار سے پھٹے تو کسی سے رفو نہ ہو
اس دل کو دے کے لوں دو جہاں یہ کبھو نہ ہو
سودا تو ہووے تب یہ کہ جب اس میں تو نہ ہو
آئینۂ وجود عدم میں اگر ترا
وہ درمیاں نہ ہو تو کہیں ہم کو رو نہ ہو
جھگڑا تو حسن و عشق کا چکتا ہے پل کے بیچ
گر محکمے میں قاضی کے تو روبرو نہ ہو
قطرہ کی کھل گئی ہے گرہ ورنہ اے نسیم
شور دماغ مرغ چمن گل کی بو نہ ہو
گزرے سو گزرے اہل زمیں اوپر اے فلک
آئندہ یاں تلک تو کوئی خوب رو نہ ہو
دل لے کے تجھ سے برق کے شعلے کو دیجیے
پر ہے یہ ڈر کہ اس کی بھی ایسی ہی خو نہ ہو
گل کی نہ تخم مرغ چمن کر سکے تلاش
ہم خام فطرتوں سے تری جستجو نہ ہو
سوداؔ بدل کے قافیہ تو اس غزل کو کہہ
اے بے ادب تو درد سے بس دوبدو نہ ہو
English
Related writings
موت آئی آنے دیجیے پروا نہ کیجیے – یگانہ چنگیزیUrdu Classicsیگانہ چنگیزی
جو طوفانوں میں پلتے جا رہے ہیں – جگر مراد آبادیUrdu Classicsجگر مراد آبادی
ناتواں عشق نے آخر کیا ایسا ہم کو – شبلی نعمانیUrdu Classicsشبلی نعمانی
مزہ گناہ کا جب تھا کہ با وضو کرتے – یگانہ چنگیزیUrdu Classicsیگانہ چنگیزی
ادب نے دل کے تقاضے اٹھائے ہیں کیا کیا – یگانہ چنگیزیUrdu Classicsیگانہ چنگیزی
خلق کہتی ہے جسے دل ترے دیوانے کا – فانی بدایونیUrdu Classicsفانی بدایونی



