شب کہ برق سوز دل سے زہرۂ ابر آب تھا
شعلۂ جوالہ ہر یک حلقۂ گرداب تھا
واں کرم کو عذر بارش تھا عناں گیر خرام
گریہ سے یاں پنبۂ بالش کف سیلاب تھا
واں خود آرائی کو تھا موتی پرونے کا خیال
یاں ہجوم اشک میں تار نگہ نایاب تھا
جلوۂ گل نے کیا تھا واں چراغاں آب جو
یاں رواں مژگان چشم تر سے خون ناب تھا
یاں سر پر شور بے خوابی سے تھا دیوار جو
واں وہ فرق ناز محو بالش کمخواب تھا
یاں نفس کرتا تھا روشن شمع بزم بے خودی
جلوۂ گل واں بساط صحبت احباب تھا
فرش سے تا عرش واں طوفاں تھا موج رنگ کا
یاں زمیں سے آسماں تک سوختن کا باب تھا
ناگہاں اس رنگ سے خوں نابہ ٹپکانے لگا
دل کہ ذوق کاوش ناخن سے لذت یاب تھا
شب کہ ذوق گفتگو سے تیری دل بیتاب تھا
شوخیٔ وحشت سے افسانہ فسون خواب تھا
لے زمیں سے آسماں تک فرش تھیں بیتابیاں
شوخیٔ بارش سے مہ فوارۂ سیماب تھا
واں ہجوم نغمہ ہائے ساز عشرت تھا اسدؔ
ناخن غم یاں سر تار نفس مضراب تھا
English
Related writings
مجھے دل کی خطا پر یاسؔ شرمانا نہیں آتا – یگانہ چنگیزیUrdu Classicsیگانہ چنگیزی
کعبہ و دیر میں جلوہ نہیں یکساں ان کا – شاد عظیم آبادیUrdu Classicsشاد عظیم آبادی
اک فسانہ سن گئے اک کہہ گئے – فانی بدایونیUrdu Classicsفانی بدایونی
کام دیوانوں کو شہروں سے نہ بازاروں سے – یگانہ چنگیزیUrdu Classicsیگانہ چنگیزی
کیا فقط طالب دیدار تھا موسیٰ تیرا – شاد عظیم آبادیUrdu Classicsشاد عظیم آبادی
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی


