بلبل نے جسے جا کے گلستان میں دیکھا
ہم نے اسے ہر خار بیابان میں دیکھا
روشن ہے وہ ہر ایک ستارے میں زلیخا
جس نور کو تو نے سر کنعان میں دیکھا
برہم کرے جمعیت کونین جو پل میں
لٹکا وہ تری زلف پریشان میں دیکھا
واعظ تو سنے بولے ہے جس روز کی باتیں
اس روز کو ہم نے شب ہجران میں دیکھا
اے زخم جگر سودۂ الماس سے خو کر
کتنا وہ مزا تھا جو نمک دان میں دیکھا
سوداؔ جو ترا حال ہے اتنا تو نہیں وہ
کیا جانیے تو نے اسے کس آن میں دیکھا
English
Related writings
اثر کے پیچھے دل حزیں نے نشان چھوڑا نہ پھر کہیں کا – شبلی نعمانیUrdu Classicsشبلی نعمانی
خودی کا نشہ چڑھا آپ میں رہا نہ گیا – یگانہ چنگیزیUrdu Classicsیگانہ چنگیزی
کچھ کہے جاتا تھا غرق اپنے ہی افسانے میں تھا – شاد عظیم آبادیUrdu Classicsشاد عظیم آبادی
یہی موقع ہے زمانے سے گزر جانے کا – شاد عظیم آبادیUrdu Classicsشاد عظیم آبادی
ڈھونڈوگے اگر ملکوں ملکوں ملنے کے نہیں نایاب ہیں ہم – شاد عظیم آبادیUrdu Classicsشاد عظیم آبادی
اک فسانہ سن گئے اک کہہ گئے – فانی بدایونیUrdu Classicsفانی بدایونی



