گدا دست اہل کرم دیکھتے ہیں
ہم اپنا ہی دم اور قدم دیکھتے ہیں
نہ دیکھا جو کچھ جام میں جم نے اپنے
سو یک قطرۂ مے میں ہم دیکھتے ہیں
یہ رنجش میں ہم کو ہے بے اختیاری
تجھے تیری کھا کر قسم دیکھتے ہیں
غرض کفر سے کچھ نہ دیں سے ہے مطلب
تماشائے دیر و حرم دیکھتے ہیں
حباب لب جو ہیں اے باغباں ہم
چمن کو ترے کوئی دم دیکھتے ہیں
نوشتے کو میرے مٹاتے ہیں رو رو
ملائک جو لوح و قلم دیکھتے ہیں
مٹا جائے ہے حرف حرف آنسوؤں سے
جو نامہ اسے کر رقم دیکھتے ہیں
اکڑ سے نہیں کام سنبل کی ہم کو
کسی زلف کا پیچ و خم دیکھتے ہیں
خدا دشمنوں کو نہ وہ کچھ دکھائے
جو کچھ دوست سے اپنے ہم دیکھتے ہیں
ستم سے کیا تو نے ہم کو جو خوگر
کرم سے ترے ہم ستم دیکھتے ہیں
مگر تجھ سے رنجیدہ خاطر ہے سوداؔ
اسے تیرے کوچے میں کم دیکھتے ہیں
English
Related writings
اثر کے پیچھے دل حزیں نے نشان چھوڑا نہ پھر کہیں کا – شبلی نعمانیUrdu Classicsشبلی نعمانی
یہی موقع ہے زمانے سے گزر جانے کا – شاد عظیم آبادیUrdu Classicsشاد عظیم آبادی
یادش بخیر جب وہ تصور میں آ گیا – جگر مراد آبادیUrdu Classicsجگر مراد آبادی
پوچھتے کیا ہو جو حال شب تنہائی تھا – شبلی نعمانیUrdu Classicsشبلی نعمانی
جب کسی نے حال پوچھا رو دیا – شاد عظیم آبادیUrdu Classicsشاد عظیم آبادی
نام بدنام ہے ناحق شب تنہائی کا – فانی بدایونیUrdu Classicsفانی بدایونی



