آئے ہیں میرؔ کافر ہو کر خدا کے گھر میں
پیشانی پر ہے قشقہ زنار ہے کمر میں
نازک بدن ہے کتنا وہ شوخ چشم دلبر
جان اس کے تن کے آگے آتی نہیں نظر میں
سینے میں تیر اس کے ٹوٹے ہیں بے نہایت
سوراخ پڑ گئے ہیں سارے مرے جگر میں
آئندہ شام کو ہم رویا کڑھا کریں گے
مطلق اثر نہ دیکھا نالیدن سحر میں
بے سدھ پڑا رہوں ہوں اس مست ناز بن میں
آتا ہے ہوش مجھ کو اب تو پہر پہر میں
سیرت سے گفتگو ہے کیا معتبر ہے صورت
ہے ایک سوکھی لکڑی جو بو نہ ہو اگر میں
ہمسایۂ مغاں میں مدت سے ہوں چنانچہ
اک شیرہ خانے کی ہے دیوار میرے گھر میں
اب صبح و شام شاید گریے پہ رنگ آوے
رہتا ہے کچھ جھمکتا خوناب چشم تر میں
عالم میں آب و گل کے کیونکر نباہ ہوگا
اسباب گر پڑا ہے سارا مرا سفر میں
English
Related writings
لے کے خود پیر مغاں ہاتھ میں مینا آیا – شاد عظیم آبادیUrdu Classicsشاد عظیم آبادی
کام دیوانوں کو شہروں سے نہ بازاروں سے – یگانہ چنگیزیUrdu Classicsیگانہ چنگیزی
نہ ابتدا کی خبر ہے نہ انتہا معلوم – فانی بدایونیUrdu Classicsفانی بدایونی
تیس دن کے لئے ترک مے و ساقی کر لوں – شبلی نعمانیUrdu Classicsشبلی نعمانی
داستان غم دل ان کو سنائی نہ گئی – جگر مراد آبادیUrdu Classicsجگر مراد آبادی
سلسلہ چھڑ گیا جب یاسؔ کے افسانے کا – یگانہ چنگیزیUrdu Classicsیگانہ چنگیزی




