کیا حقیقت کہوں کہ کیا ہے عشق
حق شناسوں کے ہاں خدا ہے عشق
دل لگا ہو تو جی جہاں سے اٹھا
موت کا نام پیار کا ہے عشق
اور تدبیر کو نہیں کچھ دخل
عشق کے درد کی دوا ہے عشق
کیا ڈبایا محیط میں غم کے
ہم نے جانا تھا آشنا ہے عشق
عشق سے جا نہیں کوئی خالی
دل سے لے عرش تک بھرا ہے عشق
کوہ کن کیا پہاڑ کاٹے گا
پردے میں زور آزما ہے عشق
عشق ہے عشق کرنے والوں کو
کیسا کیسا بہم کیا ہے عشق
کون مقصد کو عشق بن پہنچا
آرزو عشق مدعا ہے عشق
میرؔ مرنا پڑے ہے خوباں پر
عشق مت کر کہ بد بلا ہے عشق
English
Related writings
کس کی آواز کان میں آئی – یگانہ چنگیزیUrdu Classicsیگانہ چنگیزی
آنکھ اٹھائی ہی تھی کہ کھائی چوٹ – فانی بدایونیUrdu Classicsفانی بدایونی
ہم موت بھی آئے تو مسرور نہیں ہوتے – فانی بدایونیUrdu Classicsفانی بدایونی
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی
داستان غم دل ان کو سنائی نہ گئی – جگر مراد آبادیUrdu Classicsجگر مراد آبادی
اگر مرتے ہوئے لب پر نہ تیرا نام آئے گا – شاد عظیم آبادیUrdu Classicsشاد عظیم آبادی



