ہم تجھ سے کس ہوس کی فلک جستجو کریں
دل ہی نہیں رہا ہے کہ کچھ آرزو کریں
مٹ جائیں ایک آن میں کثرت نمائیاں
ہم آئنے کے سامنے جب آ کے ہو کریں
تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں
سر تا قدم زبان ہیں جوں شمع گو کہ ہم
پر یہ کہاں مجال جو کچھ گفتگو کریں
ہر چند آئنہ ہوں پر اتنا ہوں ناقبول
منہ پھیر لے وہ جس کے مجھے رو بہ رو کریں
نے گل کو ہے ثبات نہ ہم کو ہے اعتبار
کس بات پر چمن ہوس رنگ و بو کریں
ہے اپنی یہ صلاح کہ سب زاہدان شہر
اے دردؔ آ کے بیعت دست سبو کریں
English
Related writings
اگر اپنی چشم نم پر مجھے اختیار ہوتا – یگانہ چنگیزیUrdu Classicsیگانہ چنگیزی
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی
خلق کہتی ہے جسے دل ترے دیوانے کا – فانی بدایونیUrdu Classicsفانی بدایونی
کسی کے ایک اشارے میں کس کو کیا نہ ملا – فانی بدایونیUrdu Classicsفانی بدایونی
ناتواں عشق نے آخر کیا ایسا ہم کو – شبلی نعمانیUrdu Classicsشبلی نعمانی
چراغ زیست بجھا دل سے اک دھواں نکلا – یگانہ چنگیزیUrdu Classicsیگانہ چنگیزی


