وہی میری کم نصیبی وہی تیری بے نیازی
مرے کام کچھ نہ آیا یہ کمال نے نوازی
میں کہاں ہوں تو کہاں ہے یہ مکاں کہ لا مکاں ہے
یہ جہاں مرا جہاں ہے کہ تری کرشمہ سازی
اسی کشمکش میں گزریں مری زندگی کی راتیں
کبھی سوز و ساز رومیؔ کبھی پیچ و تاب رازیؔ
وہ فریب خوردہ شاہیں کہ پلا ہو کرگسوں میں
اسے کیا خبر کہ کیا ہے رہ و رسم شاہبازی
نہ زباں کوئی غزل کی نہ زباں سے باخبر میں
کوئی دل کشا صدا ہو عجمی ہو یا کہ تازی
نہیں فقر و سلطنت میں کوئی امتیاز ایسا
یہ سپہ کی تیغ بازی وہ نگہ کی تیغ بازی
کوئی کارواں سے ٹوٹا کوئی بد گماں حرم سے
کہ امیر کارواں میں نہیں خوئے دل نوازی
English
Related writings
ابتدائے عشق ہے لطف شباب آنے کو ہے – فانی بدایونیUrdu Classicsفانی بدایونی
سلامت رہیں دل میں گھر کرنے والے – یگانہ چنگیزیUrdu Classicsیگانہ چنگیزی
اثر کے پیچھے دل حزیں نے نشان چھوڑا نہ پھر کہیں کا – شبلی نعمانیUrdu Classicsشبلی نعمانی
اے اجل اے جان فانیؔ تو نے یہ کیا کر دیا – فانی بدایونیUrdu Classicsفانی بدایونی
آنکھ اٹھائی ہی تھی کہ کھائی چوٹ – فانی بدایونیUrdu Classicsفانی بدایونی
موت آئی آنے دیجیے پروا نہ کیجیے – یگانہ چنگیزیUrdu Classicsیگانہ چنگیزی


