دل سوز سے خالی ہے نگہ پاک نہیں ہے
پھر اس میں عجب کیا کہ تو بے باک نہیں ہے
ہے ذوق تجلی بھی اسی خاک میں پنہاں
غافل تو نرا صاحب ادراک نہیں ہے
وہ آنکھ کہ ہے سرمۂ افرنگ سے روشن
پرکار و سخن ساز ہے نمناک نہیں ہے
کیا صوفی و ملا کو خبر میرے جنوں کی
ان کا سر دامن بھی ابھی چاک نہیں ہے
کب تک رہے محکومئ انجم میں مری خاک
یا میں نہیں یا گردش افلاک نہیں ہے
بجلی ہوں نظر کوہ و بیاباں پہ ہے میری
میرے لیے شایاں خس و خاشاک نہیں ہے
عالم ہے فقط مومن جانباز کی میراث
مومن نہیں جو صاحب لولاک نہیں ہے
English
Related writings
جب کسی نے حال پوچھا رو دیا – شاد عظیم آبادیUrdu Classicsشاد عظیم آبادی
سلامت رہیں دل میں گھر کرنے والے – یگانہ چنگیزیUrdu Classicsیگانہ چنگیزی
پوچھتے کیا ہو جو حال شب تنہائی تھا – شبلی نعمانیUrdu Classicsشبلی نعمانی
کچھ اکیلی نہیں مری قسمت – شبلی نعمانیUrdu Classicsشبلی نعمانی
کیا تعجب کہ مری روح رواں تک پہنچے – جگر مراد آبادیUrdu Classicsجگر مراد آبادی
داستان غم دل ان کو سنائی نہ گئی – جگر مراد آبادیUrdu Classicsجگر مراد آبادی



