۱
یہ جو بستی میں نیا شور سا اٹھا ہوا ہے
اس میں اک بچّے کا رونا بھی دبا ہوا ہے
آؤ دو پل کو ذرا کان لگا کر سن لیں
کون سا گیت ہے جو دل میں چھپا ہوا ہے
۲
کلاس میں جو سب سے پیچھے بیٹھتا تھا
وہی لڑکا تو مقدر کا سکندر نکلا
ہم نے جس کو کند ذہن لکھا رجسٹر میں
وہ ہمارے ہی سبق سے کہیں بڑھ کر نکلا
۳
اب تو بازار میں ملتی ہے ہر اک شے لیکن
کوئی دکان نہیں ہے جہاں فرصت مل جائے
میں نے ہر شخص سے پوچھا ہے ٹھکانہ اس کا
شاید اک شام کہیں اپنی بھی صورت مل جائے
