Skip to main content

The Poetic Land

TYPE AT LEAST 3 CHARACTERS TO SEARCH...

کیا چھپاتے کسی سے حال اپنا

کیا چھپاتے کسی سے حال اپنا
جی ہی جب ہو گیا نڈھال اپنا

ہم ہیں اس کے خیال کی تصویر
جس کی تصویر ہے خیال اپنا

وہ بھی اب غم کو غم سمجھتے ہیں
دور پہنچا مگر ملال اپنا

تو نے رکھ لی گناہ گار کی شرم
کام آیا نہ انفعال اپنا

دیکھ دل کی زمیں لرزتی ہے
یاد جاناں قدم سنبھال اپنا

باخبر ہیں وہ سب کی حالت سے
لاؤ ہم پوچھ لیں نہ حال اپنا

موت بھی تو نہ مل سکی فانیؔ
کس سے پورا ہوا سوال اپنا

Leave a Reply

Your email address will not be published. Required fields are marked *