سختیاں کرتا ہوں دل پر غیر سے غافل ہوں میں
ہائے کیا اچھی کہی ظالم ہوں میں جاہل ہوں میں
میں جبھی تک تھا کہ تیری جلوہ پیرائی نہ تھی
جو نمود حق سے مٹ جاتا ہے وہ باطل ہوں میں
علم کے دریا سے نکلے غوطہ زن گوہر بدست
وائے محرومی خذف چین لب ساحل ہوں میں
ہے مری ذلت ہی کچھ میری شرافت کی دلیل
جس کی غفلت کو ملک روتے ہیں وہ غافل ہوں میں
بزم ہستی اپنی آرائش پہ تو نازاں نہ ہو
تو تو اک تصویر ہے محفل کی اور محفل ہوں میں
ڈھونڈھتا پھرتا ہوں میں اقبالؔ اپنے آپ کو
آپ ہی گویا مسافر آپ ہی منزل ہوں میں
English
Related writings
دل کی طرف حجاب تکلف اٹھا کے دیکھ – فانی بدایونیUrdu Classicsفانی بدایونی
زمانہ خدا کو خدا جانتا ہے – یگانہ چنگیزیUrdu Classicsیگانہ چنگیزی
کس دل سے ترک لذت دنیا کرے کوئی – یگانہ چنگیزیUrdu Classicsیگانہ چنگیزی
نہ ابتدا کی خبر ہے نہ انتہا معلوم – فانی بدایونیUrdu Classicsفانی بدایونی
اپنی جنت مجھے دکھلا نہ سکا تو واعظ – فانی بدایونیUrdu Classicsفانی بدایونی
کیا فقط طالب دیدار تھا موسیٰ تیرا – شاد عظیم آبادیUrdu Classicsشاد عظیم آبادی


