جب نظر اس کی آن پڑتی ہے
زندگی تب دھیان پڑتی ہے
جھیل لیتے ہیں عاشق اے فرہاد
جس کے سر جیسی آن پڑتی ہے
ہے جفا سے غرض اسے اتنی
کہ وفا امتحان پڑتی ہے
نظر ان مہ وشاں کی ہے ظالم
کیا غضب آن بان پڑتی ہے
قد زاہد نظر میں چلے بعد
اتری سی کچھ کمان پڑتی ہے
بات اس دل کے درد کی یارو
گفتگو میں ندان پڑتی ہے
ایک کے منہ سے جس گھڑی نکلی
پھر تو سو کی زبان پڑتی ہے
لیکن اتنا کوئی کہے مجھ سے
کبھو اس کے بھی کان پڑتی ہے
بے ثباتی زمانے کی ناچار
کرنی مجھ کو بیان پڑتی ہے
گرم جوشیٔ دوستاں بہ نظر
آتش کاروان پڑتی ہے
دل سے پوچھا یہ میں کہ عشق کی راہ
کس طرف مہربان پڑتی ہے
کہا ان نے کہ نے بہ ہندستاں
نے سوئے اصفہان پڑتی ہے
یہ دوراہا جو کفر و دیں کا ہے
دونوں کے درمیان پڑتی ہے
منزلت شعر کی ترے سوداؔ
یوں بہ وہم و گمان پڑتی ہے
نہیں عیسیٰؔ تو پر سخن سے ترے
تن بے جاں میں جان پڑتی ہے
English
Related writings
ہم موت بھی آئے تو مسرور نہیں ہوتے – فانی بدایونیUrdu Classicsفانی بدایونی
دل لگانے کی جگہ عالم ایجاد نہیں – یگانہ چنگیزیUrdu Classicsیگانہ چنگیزی
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی
اب بھی اک عمر پہ جینے کا نہ انداز آیا – شاد عظیم آبادیUrdu Classicsشاد عظیم آبادی
دل کی طرف حجاب تکلف اٹھا کے دیکھ – فانی بدایونیUrdu Classicsفانی بدایونی
ہنوز زندگیٔ تلخ کا مزہ نہ ملا – یگانہ چنگیزیUrdu Classicsیگانہ چنگیزی


