کب حق پرست زاہد جنت پرست ہے
حوروں پہ مر رہا ہے یہ شہوت پرست ہے
دل صاف ہو تو چاہیئے معنی پرست ہو
آئینہ خاک صاف ہے صورت پرست ہے
درویش ہے وہی جو ریاضت میں چست ہو
تارک نہیں فقیر بھی راحت پرست ہے
جز زلف سوجھتا نہیں اے مرغ دل تجھے
خفاش تو نہیں ہے کہ ظلمت پرست ہے
دولت کی رکھ نہ مار سر گنج سے امید
موذی وہ دے گا کیا کہ جو دولت پرست ہے
عنقا نے گم کیا ہے نشاں نام کے لیے
گم گشتہ کون کہتا ہے شہرت پرست ہے
یہ ذوقؔ مے پرست ہے یا ہے صنم پرست
کچھ ہے بلا سے لیک محبت پرست ہے
English
Related writings
وہ جی گیا جو عشق میں جی سے گزر گیا – فانی بدایونیUrdu Classicsفانی بدایونی
زمانے پر نہ سہی دل پہ اختیار رہے – یگانہ چنگیزیUrdu Classicsیگانہ چنگیزی
یار کو رغبت اغیار نہ ہونے پائے – شبلی نعمانیUrdu Classicsشبلی نعمانی
تیری زلفیں غیر اگر سلجھائے گا – شاد عظیم آبادیUrdu Classicsشاد عظیم آبادی
یہ دلجمعی جئے جب تک جئے جینا اسی کا ہے – شاد عظیم آبادیUrdu Classicsشاد عظیم آبادی
آنکھ اٹھائی ہی تھی کہ کھائی چوٹ – فانی بدایونیUrdu Classicsفانی بدایونی



