کہا جو ہم نے ہمیں در سے کیوں اٹھاتے ہو
کہا کہ اس لیے تم یاں جو غل مچاتے ہو
کہا لڑاتے ہو کیوں ہم سے غیر کو ہمدم
کہا کہ تم بھی تو ہم سے نگہ لڑاتے ہو
کہا جو حال دل اپنا تو اس نے ہنس ہنس کر
کہا غلط ہے یہ باتیں جو تم بناتے ہو
کہا جتاتے ہو کیوں ہم سے روز ناز و ادا
کہا کہ تم بھی تو چاہت ہمیں جتاتے ہو
کہا کہ عرض کریں ہم پہ جو گزرتا ہے
کہا خبر ہے ہمیں کیوں زباں پہ لاتے ہو
کہا کہ روٹھے ہو کیوں ہم سے کیا سبب اس کا
کہا سبب ہے یہی تم جو دل چھپاتے ہو”
کہا کہ ہم نہیں آنے کے یاں تو اس نے نظیرؔ
کہا کہ سوچو تو کیا آپ سے تم آتے ہو
English
Related writings
چلے چلو جہاں لے جائے ولولہ دل کا – یگانہ چنگیزیUrdu Classicsیگانہ چنگیزی
مجھے دل کی خطا پر یاسؔ شرمانا نہیں آتا – یگانہ چنگیزیUrdu Classicsیگانہ چنگیزی
جینے کی ہے امید نہ مرنے کا یقیں ہے – فانی بدایونیUrdu Classicsفانی بدایونی
یہی موقع ہے زمانے سے گزر جانے کا – شاد عظیم آبادیUrdu Classicsشاد عظیم آبادی
ہم موت بھی آئے تو مسرور نہیں ہوتے – فانی بدایونیUrdu Classicsفانی بدایونی
کس دل سے ترک لذت دنیا کرے کوئی – یگانہ چنگیزیUrdu Classicsیگانہ چنگیزی


