ہوں میں پروانہ مگر شمع تو ہو رات تو ہو
جان دینے کو ہوں موجود کوئی بات تو ہو
دل بھی حاضر سر تسلیم بھی خم کو موجود
کوئی مرکز ہو کوئی قبلۂ حاجات تو ہو
دل تو بے چین ہے اظہار ارادت کے لیے
کسی جانب سے کچھ اظہار کرامات تو ہو
دل کشا بادۂ صافی کا کسے ذوق نہیں
باطن افروز کوئی پیر خرابات تو ہو
گفتنی ہے دل پر درد کا قصہ لیکن
کس سے کہیے کوئی مستفسر حالات تو ہو
داستان غم دل کون کہے کون سنے
بزم میں موقع اظہار خیالات تو ہو
وعدے بھی یاد دلاتے ہیں گلے بھی ہیں بہت
وہ دکھائی بھی تو دیں ان سے ملاقات تو ہو
کوئی واعظ نہیں فطرت سے بلاغت میں سوا
مگر انسان میں کچھ فہم اشارات تو ہو
English
Related writings
داستان غم دل ان کو سنائی نہ گئی – جگر مراد آبادیUrdu Classicsجگر مراد آبادی
قیامت ہے شب وعدہ کا اتنا مختصر ہونا – یگانہ چنگیزیUrdu Classicsیگانہ چنگیزی
آنکھ اٹھائی ہی تھی کہ کھائی چوٹ – فانی بدایونیUrdu Classicsفانی بدایونی
تمناؤں میں الجھایا گیا ہوں – شاد عظیم آبادیUrdu Classicsشاد عظیم آبادی
اگر اپنی چشم نم پر مجھے اختیار ہوتا – یگانہ چنگیزیUrdu Classicsیگانہ چنگیزی
مآل سوز غم ہائے نہانی دیکھتے جاؤ – فانی بدایونیUrdu Classicsفانی بدایونی



