بات میری کبھی سنی ہی نہیں
جانتے وہ بری بھلی ہی نہیں
دل لگی ان کی دل لگی ہی نہیں
رنج بھی ہے فقط ہنسی ہی نہیں
لطف مے تجھ سے کیا کہوں زاہد
ہائے کم بخت تو نے پی ہی نہیں
اڑ گئی یوں وفا زمانے سے
کبھی گویا کسی میں تھی ہی نہیں
جان کیا دوں کہ جانتا ہوں میں
تم نے یہ چیز لے کے دی ہی نہیں
ہم تو دشمن کو دوست کر لیتے
پر کریں کیا تری خوشی ہی نہیں
ہم تری آرزو پہ جیتے ہیں
یہ نہیں ہے تو زندگی ہی نہیں
دل لگی دل لگی نہیں ناصح
تیرے دل کو ابھی لگی ہی نہیں
داغؔ کیوں تم کو بے وفا کہتا
وہ شکایت کا آدمی ہی نہیں
English
Related writings
جینے کی ہے امید نہ مرنے کا یقیں ہے – فانی بدایونیUrdu Classicsفانی بدایونی
جب حسن بے مثال پر اتنا غرور تھا – یگانہ چنگیزیUrdu Classicsیگانہ چنگیزی
وہ جی گیا جو عشق میں جی سے گزر گیا – فانی بدایونیUrdu Classicsفانی بدایونی
ڈھونڈوگے اگر ملکوں ملکوں ملنے کے نہیں نایاب ہیں ہم – شاد عظیم آبادیUrdu Classicsشاد عظیم آبادی
یہ دلجمعی جئے جب تک جئے جینا اسی کا ہے – شاد عظیم آبادیUrdu Classicsشاد عظیم آبادی
اگر اپنی چشم نم پر مجھے اختیار ہوتا – یگانہ چنگیزیUrdu Classicsیگانہ چنگیزی


