ربط ہے ناز بتاں کو تو مری جان کے ساتھ
جی ہے وابستہ مرا ان کی ہر اک آن کے ساتھ
اپنے ہاتھوں کے بھی میں زور کا دیوانہ ہوں
رات دن کشتی ہی رہتی ہے گریبان کے ساتھ
جو جفا جو ہیں انہیں سنگ دلی لازم ہے
کام تلوار کو رہتا ہے سدا سان کے ساتھ
گر مسیحا نفسی ہے یہی مطرب تو خیر
جی ہی جاتے ہیں چلے تیری ہر اک تان کے ساتھ
دردؔ ہر چند میں ظاہر میں تو ہوں مور ضعیف
زور نسبت ہے ولے مجھ کو سلیمانؔ کے ساتھ
English
Related writings
جو طوفانوں میں پلتے جا رہے ہیں – جگر مراد آبادیUrdu Classicsجگر مراد آبادی
اسیر جسم ہوں میعاد قید لا معلوم – شاد عظیم آبادیUrdu Classicsشاد عظیم آبادی
زندگی جبر ہے اور جبر کے آثار نہیں – فانی بدایونیUrdu Classicsفانی بدایونی
چلے چلو جہاں لے جائے ولولہ دل کا – یگانہ چنگیزیUrdu Classicsیگانہ چنگیزی
ہم موت بھی آئے تو مسرور نہیں ہوتے – فانی بدایونیUrdu Classicsفانی بدایونی
جب حسن بے مثال پر اتنا غرور تھا – یگانہ چنگیزیUrdu Classicsیگانہ چنگیزی



