کعبہ بھی ہے ٹوٹا ہوا بت خانہ ہمارا
یا رب رہے آباد یہ ویرانہ ہمارا
باطن کی طرح پاک ہے خم خانہ ہمارا
کیوں کر نہ اچھوتا رہے پیمانہ ہمارا
جو شمع ہوا کرتی ہے روشن سر بازار
اس شمع پہ گرتا نہیں پروانہ ہمارا
ساقی ترا مے خانہ رہے حشر تک آباد
بھر جاتا ہے کشکول گدایانہ ہمارا
بہہ جائے گا اس بزم میں اک فیض کا دریا
آتا ہے چھلکتا ہوا پیمانہ ہمارا
چل سوئے عدم چل ہمیں کیا عذر ہے اے موت
تیار ہے سامان غریبانہ ہمارا
بن جاتا ہے پھر شیخ کا بھی مرشد کامل
ڈگتا نہیں پیتا ہے جو پیمانہ ہمارا
کس زلف کو سلجھائیں رقیبان سیہ کار
چھوتا نہیں اس زلف کو پھر شانہ ہمارا
فریاد کناں ہیں کسی پازیب کے دانے
توڑے کہیں زنجیر نہ دیوانہ ہمارا
خاروں سے یہ کہہ دو کہ گل تر سے نہ الجھیں
سیکھے کوئی انداز شریفانہ ہمارا
تاثیر نہ ہو شادؔ تو دینا ہمیں الزام
کچھ دیر تو سن واعظ حکیمانہ ہمارا
English
Related writings
وہ جی گیا جو عشق میں جی سے گزر گیا – فانی بدایونیUrdu Classicsفانی بدایونی
جینے کی ہے امید نہ مرنے کا یقیں ہے – فانی بدایونیUrdu Classicsفانی بدایونی
اگر اپنی چشم نم پر مجھے اختیار ہوتا – یگانہ چنگیزیUrdu Classicsیگانہ چنگیزی
کس دل سے ترک لذت دنیا کرے کوئی – یگانہ چنگیزیUrdu Classicsیگانہ چنگیزی
آنکھ اٹھائی ہی تھی کہ کھائی چوٹ – فانی بدایونیUrdu Classicsفانی بدایونی
مزہ گناہ کا جب تھا کہ با وضو کرتے – یگانہ چنگیزیUrdu Classicsیگانہ چنگیزی

